136 milionë njerëz konfirmojnë dominimin absolut të Real Madrid

Marka e tyre është një nga më të fuqishmet në botën e futbollit dhe shifrat e fundit të audiencës televizive e konfirmojnë këtë superioritet.

Real Madrid është ekipi më i shikuar i sezonit të kaluar.

Los Blancos kanë pasur 136.69 milionë shikues, të ndjekur nga rivalët e Barcelona-s, që janë parë nga 108.79 milionë njerëz.

Kjo sipas një studimi të Havas Sports.

Sevilla dhe Atletico Madrid janë ndjekësit e dy superfuqive spanjolle me mbi 40 milionë shikues, më pak se një e treta e shikueshmërisë së Real Madrid.

Los Blancos janë kryesues edhe në Champions League. Teksa ndeshja më e shikuar e Barça-s ka qenë finalja e Copa del Rey, ndeshja më e shikuar e sezonit ka qenë finalja e Champions League mes Real Madrid dhe Liverpool e cila është ndjekuar nga 9.29 milionë njerëz.