14:41 / E Hënë, 16 Prill 2018

3 muaj nga vrasja e Ivanoviq, O’Connell bën thirrje që përgjegjësit të vihen para drejtësisë

Ambasadori i Britanisë së Madhe në Kosovë, Ruairi O’Connell ka thënë se është e rëndësishme që përgjegjësit për vrasjen e Oliver Ivanoviqit të vihen para drejtësisë.

Përmes një postimi në Facebook, O’Connell duke përkujtuar se dje janë bërë 3 muaj nga vrasja e tij ka treguar për rëndësinë e hetimit të tërësishëm të kësaj vrasje dhe të vrasjeve tjera.

“Dje u bënë tre muaj që nga vrasja e Oliver Ivanoviq. Vazhdon të mbetet jashtëzakonisht e rëndësishme që kjo dhe vrasjet e tjera të hetohen tërësisht, dhe përgjegjësit të vihen para drejtësisë”, ka shkruar O’Connell./Indeksonline/