Ndodheni
Indeksonline / Lajme
11:39 / E shtunë, 20 Korrik 2013
4 Komente
Të dhëna kontradiktore për riatdhesim

 Ministria e Punëve të Brendshme dhe ajo Integrimit Evropian japin të dhëna kontradiktore për marrëveshjen për riatdhesim. Deri më tani figurojnë të jenë të nënshkruara vetëm 15 marrëveshje riatdhesimi. Riatdhesimi dhe emigrimi ilegal janë dy nga kushtet kryesore të Kosovës për t’u përfshirë në liberalizmin e vizave për të cilat Komisioni Evropian ka kërkuar më shumë përkushtim.

Kosova nuk ka përmbushur as përgjysmë dy nga kushtet kryesore të Komisionit Evropian për liberalizmin e vizave, pengimin e emigrimit ilegal dhe marrëveshjet për riatdhesim.

Deri më tani figurojnë zyrtarisht të jenë nënshkruar 15 marrëveshje për riatdhesim, përderisa mbeten edhe 13 të tjera të pa përfunduara.

Zëvendësministri Integrimit Evropian, Gëzim Kasapolli ka thënë për Radio Kosovën se nuk ka ndonjë pengesë politike rreth nënshkrimit të këtyre marrëveshjeve, por janë vetëm çështje protokollare.

“Janë nënshkruar 19 marrëveshje dhe mbesin edhe 6 të tjera për t’u nënshkruar deri në vjeshtë. Nuk është e obligueshme që të nënshkruhet marrëveshje riatdhesimi me ato vende të Bashkimit Evropian ku nuk kemi emigrantë ilegalë pra nuk është një kusht kjo “, i ka thënë Kasapolli..

Të dhëna ndryshe ka dhënë Ministria e Punëve të Brendshme, dikasteri që është bartëse e menaxhimit të strategjisë së riatdhesimit.

Dafina Myrtaj nga Departamenti për media në këtë Ministri ka thënë se në proces nënshkrimi janë edhe 3 marrëveshje të tjera riatdhesimi.

“Qeveria e Kosovës ka nënshkruar 20 marrëveshje për ripranim me shtete të Bashkimit Evropian dhe me tri shtete që nuk janë anëtare të BE-së, por janë në zonën Shengen. Jemi në proces për nënshkrimin edhe shtete të tjera, ndërsa në të ardhmen pritet të nënshkruhet edhe me shtet e treta përveç atyre të BE-së”, ka thënë Myrtaj për Radio Kosovën.

Qeveria e Kosovës u ka bërë kërkesa për marrëveshje të riatdhesimit edhe 13 vendeve të tjera të Bashkimit Evropian. Ndonëse nuk është e domosdoshme për procesin e liberalizmit të vizave, Kosova duhet të ketë të nënshkruara në kuadër të kritereve të Marrëveshjes së Stabilizim Asocimit, marrëveshje të tilla edhe me 13 vende të tjera të Bashkimit Evropian.

Akomodimi dhe rinintegrimi i personave të kthyer në Kosovë sidomos i komunitetit rom,ashkali dhe egjiptas sipas shumë raporteve është vlerësuar si më i rëndi në rajon. /Indeksonline/ 


Kendi i komenteve
  • ilhami gashi sekretar ne mpb 20.07.2013 / 18:23
    UNE ILHAMIA kam vjedhe procesin e riadhesimit,ju kam kercenuar Austriakve krejt Evropes,dhe bej qka te dua ne ket shtet se e kam jaran Adem Grabovcin...
  • fari 20.07.2013 / 12:23
    Cka u be me hetimet per keqperdorime materiale ne MPB ne Departamwntin per riatdhesim.
  • emini 20.07.2013 / 12:18
    dikasteri i MPB per implementimin e ketyre maqrreveshjeve dhe per riatdhesimin e qytetareve te debuar nuk eshte ne nivelin intektual, moral dhe profesional. Rreth 3 milione euro per skete qellim, jane bere rrush e kumbulla dhe rezultate nuk ka. Para disa mujave u zbulua se zyrtaret e ketij sektori jane zhytur ne korrupcion dhe i keqperdorin keto mjete, keshtuq tani BE nuk imalokon mjjete Kosoves per kete qellim por projektet i mbikeqyre vete.
  • peti 20.07.2013 / 11:46
    AO nuk punojn asnjna as tjetra minstri, se dyjat jan te korrupotume. Sta kan permbush ket kriter per liberalim kurr. ky o kushti par
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.