Ndodheni
Indeksonline / Showbiz
12:57 / E shtunë, 21 Prill 2012
10 Komente
Rita Ora prezanton familjen

Biznesi i muzikës është ndoshta nga më fitimprurësit sot për sot në të gjithë botën. Të jesh pjesë e këtyre ingranazheve kaq të sofistikuara të një industrie që lëvron miliona dollarë në vit, padyshim që duhet të kesh jo vetëm talent por edhe lidhjet e njohura, nëse do t’i quajmë kështu. Deri tani asnjë shqiptar apo shqiptare nuk ka kaluar caqet për t’u krahasuar me emra të mëdhenj, të jetë pjesë e së njëjtës botë, të cilën ne në Shqipëri e shohim vetëm nëpërmjet ekranit dhe videove. Por fati e solli që ne tani të krenohemi me shqiptaren tonë.

Bëhet fjalë për Rita Orën, shqiptaren e rritur në Londër, e cila është drejt majave. E këtë përcaktim nuk e kemi bërë ne të parët në mediat tona, po pikërisht ato britanike. Ato e kanë krahasuar atë me Rihannën, e po të kemi parasysh që këngët ia bën Jay-Z (është nën menaxhimin e tij), ngjitja e saj mund të themi se është e garantuar. Rita Ora është ylli më i ri i muzikës botërore dhe është shqiptare. Këngët e saj “Hot Right Now” dhe R.I.P kanë qenë në krye të klasifikimeve britanike. Ne kemi mundur të flasim me babin e saj, Z. Besnik Sahatçiu, për të mësuar pak më shumë për jetën e saj. Si është Rita dhe si arriti ajo të lançohet kaq shpejt si një rivale e Rihannës amerikane… Fëmijëria e saj, shkollimi dhe hobit që kishte fëmijë dhe lidhjet me familjen. Si po e përjetojnë prindërit famën e së bijës, dhe lidhjet me familjen, e cila përbëhet prej 5 anëtarësh. Rita, motra e saj, Elena dhe vëllai më i vogli, Doni.

Z.Besnik, së pari mund të na thoni prej sa kohësh jetoni në Londër me familjen tuaj dhe sa anëtarë ka ajo?
Përshëndetje, Jonida! Në Londër jetojmë qysh nga viti 1991. Fillimisht isha unë, bashkëshortja ime, Vera; vajza jonë e madhe, Elena dhe Rita. Në vitin 1997 lindi edhe djali ynë, Doni.

Përse keni vendosur të jetoni në Londër dhe si është jeta juaj dhe e familjes suaj aty?
Duke qenë se pata përfunduar studimet e larta në Universitetin Filozofik të Prishtinës, dega Gjuhë dhe Letërsi Angleze, Londra, si metropoli botëror ku flitet kjo gjuhë dhe është vendi ku zhvillohen të gjitha veprimtaritë e jetës në nivel të lartë, më tërhoqi. Aq më tepër që edhe im atë, Besim Sahatçiu, intelektual dhe regjisori i parë dhe më i njohuri në Kosovë, ndikoi në këtë drejtim.

Vajza juaj, Rita Ora është drejt majave të suksesit aktualisht dhe ne ndihemi krenarë që ajo është shqiptare. A mund të na thoni pak si ka qenë Rita e vogël?
Qysh në fëmijërinë e hershme, Rita dëshmoi se i pëlqente arti muzikor dhe skenik. Ajo filloi të këndonte në korin e shkollës dhe të luante në pjesë të ndryshme teatrore, duke tërhequr vëmendjen e të gjithëve. Ndiqte me kureshtje e kënaqësi të veçantë emisionet televizive, sidomos ato kulturore dhe përpiqej të imitonte lojën e aktorëve dhe lëvizjet e këngëtarëve e artistëve në përgjithësi.

Kur e keni parë ju talentin e saj për muzikën?

Duke i parë këto prirje të Ritës, unë dhe bashkëshortja ime Vera, mjeke, me sugjerimin e tim eti, njeriut të filmit, vendosëm t’ia mundësojmë shkollimin në një ndër shkollat më prestigjioze të Londrës për muzikë, film dhe teatër. Aty kriteret e pranimit ishin tepër rigoroze, ku duhej të jepej një provim që përcaktonte nëse nxënësi kishte ose jo talentin e nevojshëm. Shkolla për të cilën po flasim quhet “Sylvia Joung Theatre School”. Gjatë viteve të shkollimit, Rita interpretoi në BBC në teledramën “The Brief” dhe në filmin artistik “Spivs”.

A ka në familjen tuaj dikë tjetër që këndon?

Në familjen tonë vetëm im atë, Besimi, në rininë e vet pëlqente muzikën dhe këndonte me kitarë dhe fizarmonikë. Nga ana tjetër, edhe unë, prej vitesh kam pasur dhe e pasuroj vazhdimisht një koleksion të muzikës botërore, të cilin Rita e ka përdorur gjatë kohës.

Kë ka dobësi Rita nga anëtarët e familjes suaj? Me kë është më e lidhur?

Rita është e afrueshme me të gjithë pjesëtarë e familjes, por në veçanti me mua.

A shkon shpesh Rita në Kosovë? Çfarë lidhjesh mban ajo me vendin e lindjes?

Zakonisht, Rita ka shkuar me familjen në Kosovë për pushime shkollore çdo vit.

Si ndiheni tani që ajo është bërë e famshme z. Besnik? Si po e përjetoni suksesin e saj?

Ndjehemi tepër të lumtur që suksesin e saj e përjetojmë së bashku me shqiptarët e kudondodhur.

Bashkëshortja juaj, nëna e Ritës, çfarë meraku ka për vajzën e saj tani që quhet një yll i ri në ngjitje? A ka ndonjë gjë që e shqetëson?

Bashkëshortja ime është krenare për arritjet e shënuara nga Rita. Meraku dhe shqetësimet e saj janë si të çdo nëne.

Në botën e famës dihet që ka edhe shumë risqe, t’i quajmë kështu. Ia keni frikën kësaj gjëje tek vajza juaj?
Sigurisht!/MAPO/
 


Kendi i komenteve
  • Rea 30.04.2012 / 10:44
    rita ora
  • gazmendi 27.04.2012 / 09:25
    Bravoooooooooooooooo RITA !!!
  • aaaaa 22.04.2012 / 17:56
    dajt i ka te radavcit
  • Qlirimi 22.04.2012 / 15:52
    Pse s tregut te kahit i ka dajt meja qu msit per qat motren e Rites se koka xeher
  • Vaalon 21.04.2012 / 18:28
    Respekt per Rita oren edhe o deshiroj sukses te metutjeshem e sa i perket kush duhet mu ni krenar normal na kosovart.
  • Beksi 21.04.2012 / 18:03
    Ma e bukur nana se qika :)
  • trimi 21.04.2012 / 17:54
    S'po e kuptoj nje gje. Kjo e mbiemrin familjar e paska Sahatciu... E pse nuk e paraqitet si RITA SAHATQIU, po RITA ORA.. A ndoshta eka lidh, sahat dmth ora.. edhe ma shkurt ORA.. RITA ORA URIME E VEQ SUKSESE TE DESHIROJ..;)
  • shpresa 21.04.2012 / 15:33
    te uroj suksese ne jet rita
  • mlsh 21.04.2012 / 15:10
    Me vjen shum mir per Rita Oren dhe i deshiroj suksese te metutjeshme. Ama desha te sqaroi diqka me kta vllezerit tan nga shqipria, ne kohen kur nje kandidate kosovare ne spektaklin "Voice of Alabnian" fitoi nuk hezituan tna quanin njerz te prapambetur, analfabet e gjera te tjera te ulta. Ndersa tani per Rita Ora ndjehen krenare dhe thojn qe me prejardhie asht nga Shkodra. Mirpo ne nuk bejm ksi ndasi e Shqipris apo e Kosoves se ju hym ne hak gjakut te deshmorve qe derdhen per Shqiprin etnike. JEMI SHUM TE ZHGENJYER ME JU ...
  • Roni 21.04.2012 / 13:25
    I uroj shume sukses Rites dhe gjith familjes se saj. Me vjen mire kur shoh shqiptar te susksesshem qe nuk e mohojn qe jane shqiptare dhe na permirsojn imigjin.
Emri:
Komenti:

 
Sqarim:
Ndalohen fyerjet dhe përdorimi i gjuhës ofenduese. Indeksonline mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit Indeksonline.

Ju faleminderit për mirëkuptimin!
  • Të fundit
  • Më të lexuara
  • Më të komentuara
Portali Indeksonline u themelua nga një grup gazetarësh kosovarë në vitin 2010. Përball sfidave të gazetarisë bashkëkohore, të motivuar nga nevoja për lajme të shpejta dhe origjinale, në Kosovë, ndër shqiptarë dhe për shqiptarët - Indeksonline nuk ishte veçse një kërkesë e kohës.

Materialet dhe informacionet mund të kopjohen, të shtypen dhe të përdoren por vetëm pas referimit të qartë të burimit të Portalit Indeksonline, në përputhje me kushtet e përdorimit.

Të gjitha të drejtat janë të rezervuara.

© 2010-2014 Portali Indeksonline.