Ahmeti viziton myftiun Tërnava, flasin për dhunën në familje
Kryetari i Prishtinës, Shpend Ahmeti sikurse liderët tjerë, ka vizituar sot Bashkësinë Islame të Kosovës, me rastin e Kurban Bajramit.
Në një postim në Facebook, Ahmeti ka shkruar se me myftiun Naim Tërnava kanë biseduar për dhunën familjare, transmeton Indeksonline.
Më poshtë postimi i Ahmetit:
Në ditën e Kurban Bajramit bashkë me anëtarën e Kryesisë, Gurjeta Zeka dhe nënkryetarët Dukagjin Gorani dhe Qëndron Kastrati vizituam Bashkësinë Islame.
Uruam Bashkësinë Islame dhe gjithë qytetarët e besimit muslimanë në Kosovë për festë duke ritheksuar porositë e Bajramit për solidaritet e barazi.
Diskutuam me Myftiun Tërnava sot edhe për porosinë e sotme që kishte dhënë për dhunën familjare ndaj vajzave dhe grave dhe pabarazinë në shoqërinë tonë. /Indeksonline/