Aksident i rëndë në Pejton, lëndohet shoferi dhe këmbësorja në trotuar (Foto)

Një aksident komunikacioni ka ndodhur para pak çastesh në lagjen “Pejton” të Prishtinës.

Sipas lexuesve të Indeksonline në aksident janë përfshirë dy vetura, dhe kanë pësuar lëndime njëri shofer dhe një këmbësore.

Aksidentin në fjalë e ka konfirmuar edhe policia e Kosovës. Agron Borovci, zëdhënës për rajonin e Prishtinës ka thënë për Indeksonline se në aksident kanë pësuar lëndime dy persona.

“Rreth orës 18: 00 është raportuar për një aksident trafiku në rrugën Ukshin Hoti. Policia menjëherë ka dal në vendin e ngjarjes dhe nga këqyrja e vendit të ngjarjes është kuptuar se dy vetura janë të përfshira ne aksident. Deri më tani është bërë e ditur se vozitësi i njërës veturë si dhe një këmbësore që atë moment ishte duke kaluar rrugën kanë marrë lëndime trupore”, ka thënë Borovci.

Sipas tij, Policia e trafikut po vazhdon me hetimin e shkaqeve që kanë sjellë deri te ky aksident. /Indeksonline/