Aksident i rëndë trafiku në komunën e Skenderajt, vdes një person

Një aksident i rëndë trafiku ka ndodhur mbrëmë në Polac të komunës së Skenderajt.

Si pasojë e këtij aksidenti ka humbur jetën një person, raporton Indeksonline.

Rasti në fjalë është konfirmuar edhe nga vetë Zëdhënësi i Policisë për Rajonin e Mitrovicës, Avni Zaiti.

“Si pasojë e aksidentit një person ka humbur jetën dhe një tjetër ka mbetur i lënduar. Të përfshirë në aksident kanë qenë një veturë dhe një traktor”, ka thënë Zaiti për Indeksonline.

Aksidenti në fjalë ka ndodhur rreth orës 22 ndërsa duhet përkujtuar se aksidentet janë të shumta përgjatë ditëve të fundit në vend.

Dy të ngjashëm ndodhën së fundi edhe në Mitrovicë, duke u bërë kështu aksidenti i tretë i rëndë në këtë regjion përgjatë tri ditëve./Indeksonline/