15:46 / E Hënë, 12 Shkurt 2018

ATK mbyllë 40 subjekte të lojërave të fatit, lëshohen mbi 200 mijë euro gjoba!

Administrata Tatimore e Kosovës ka njoftuar se sot dyzet (40) subjekte të lojërave të fatit të mbyllura dhe janë lëshuar 213,000 euro gjoba.

Sipas ATK-së, divizioni i Lojërave të Fatit gjatë javës së kaluar ka zhvilluar edhe një aksion në komunën e Prishtinës, Prizrenit, Gjakovës, Gjilanit dhe Ferizajt më qëllim të identifikimit të subjekteve të lojërave të fatit, të cilat jashtëligjshëm ushtrojnë këtë veprimtari, shkruan Indeksonline.

“Gjatë aksionit në fjalë, inspektoret kanë vizituar 13 biznese të lojërave të fatit, tek të cilat janë konstatuar parregullsi të ndryshme, për sa i përket ushtrimit të kësaj veprimtarie. Gjithsej 5 subjekte janë mbyllur, pasi që të njëjtat kanë vepruar pa licencë të ATK-së. Po ashtu janë lëshuar gjoba në vlerë 89,000 euro.

Nëse flasim në total, vetëm gjatë muajit Janar dhe Shkurt të këtij viti ATK ka mbyllur 40 subjekte të lojërave të fatit, të cilat njëkohësisht janë ndëshkuar me gjoba në vlerë 213,000 euro”, thuhet në njoftim.

Divizioni i Lojërave të Fatit, do të vazhdoj me aksione të tilla në çdo kohë, bazuar në autorizimet që i jep Ligji Nr.04/L-080.

Gjithashtu, i bëjmë thirrje qytetarëve që të raportojnë përmes linjës pa pagës 0800 80 800, rastet për të cilat dyshohen se ushtrojnë veprimtarin e lojërave të fatit jashtë ligjshme./Indeksonline/