Autobusët e bllokuar me nxënës në Brezovicë nisen drejt Gjakovës

Pas situatës së krijuar në Brezovicë ku një autobus me nxënës nga Gjakova kishte rrëshqitur jashtë rrugës dhe kishte mbetur i bllokuar, ka reaguar kryeministri i vendit duke urdhëruar dërgimin e FSK-së dhe Policisë për zhbllokim të rrugësm dhe autobusët nga atje kanë nisur të kthehen në Gjakovë.

Komandanti i Policisë së Kosovës në Gjakovë, Kristë Gjokaj, ka bërë me dije që të gjithë autobusët tashmë janë duke lëvizur në drejtim të Gjakovës.

Ja postimi i Gjokajt në Facebook:

Te nderuar qytetar te Gjakoves, ju prinder qe keni femijet tuaj ne Brezovice. Sapo mora konfirmimin zyrtar se te gjithe autobuset tashme jan duke levizur ne drejtim te Gjakoves, por per shkak te bores levizja eshte ngadalsuar por e kujdeseshme”(sic.), ka shkruar Gjokaj në Facebook.  /Indeksonline/