De Laurentiis ngacmon sërish Sarrin

Aurelio De Laurentis e ka ngacmuar sërish Maurizio Sarrin, duke e paralajmëruar Chelsean se ish-trajneri i Napolit gjithnjë shkarkohet dhe se është person i ”sertë”.

Sarri e ka drejtuar Chelsean drejt fitores së pestë në po aq ndeshje në Premier League që prej zëvendësimit të Antonio Contes në verë.

Por, presidenti i Napolit nuk ka mundur të rezistojë që ta ngacmojë sërish Sarrin, transmeton IndeksOnline.

”Unë jam gjithnjë afër skuadrës, edhe pse e kam zgjedhur Ancelottin, unë jam përgjegjës”.

”I tillë isha edhe me Sarrin”, tha De Laurentiis për gazetarët.

”Tani, megjithatë unë ndihem i qetë. Sarri është duke bërë mirë tani”.

”Por, ai ka pësuar shumë disfata në karrierën e tij dhe gjithnjë shkarkohet. Ai është një person i ‘sertë”./IndeksOnline/