Depresioni sezonal: Gratë më të prekura se meshkujt

Për njerëzit që jetojnë me çrregullime emocionale sezonale, dimri mund të sjellë shumë më tepër sesa erërat e forcës dhe borën.  Ai mund të shkaktojë ndjenja të mungesës së shpresës dhe depresionit.

Sipas hulumtimeve të reja, gratë kanë gjasa të preken më shumë nga depresioni sezonal se sa burrat, transmeton Indeksonline.

Studiuesit sugjerojnë se variacionet sezonale në simptomat depresive janë shumë më të zakonshme tek gratë sesa tek meshkujt.

Hulumtuesit në Universitetin e Glasgout në Mbretërinë e Bashkuar kanë gjetur se gratë kanë më shumë gjasa se meshkujt të përjetojnë simptomat depresive që kalojnë gjatë muajve të dimrit.

Bashkautori i studimit Daniel Smith, i Institutit të Shëndetit dhe Mirëqenies në Glasgow, dhe ekipi kanë raportuar kohët e fundit rezultatet e tyre në revistën  “Disorders Affective”.

Çrregullimi emocional sezonal është një formë e depresionit që vjen dhe shkon me stinët. Është vlerësuar se ai prek rreth 5 për qind të njerëzve në Shtetet e Bashkuara në çdo vit.

Simptomat përfshijnë ndjenjat e depresionit, pavlefshmërinë, energjinë e ulët, lodhjen dhe mungesën e interesit në aktivitete zakonisht të këndshme. Ai fillon në vjeshtë, me simptoma që përgjithësisht ulen gjatë muajve të verës./Indeksonline/