E gërditshme, por çdo pishinë përmban më shumë se 20 litra urinë njeriu

Notimi është një sport i mirë, argëtues dhe i pastër. Por kur themi i pastër, nuk e mendojmë në të gjitha aspektet.

Të gjithë e dinë por nuk e pranojnë, që kur jemi në pishinë, ne lahemi me urinën e shumë personave përreth, transmeton Indeksonline.

Ju i bëni qejfin vetës, por jeni të “mbytur” në urinën e personave që kaluan nëpër pishinë para jush, apo edhe e bëjnë ata para syve tuaj.

Shkencëtarët në një studim të bërë në vitin 2017, zbuluan se pishina mesatare përmban rrethi 20 litra urinë të personave. Ky rezultat u arrit pas matjes që iu bë ujit të pishinave të ndryshme.

Një nga faktet që të ndihmon të kuptosh nëse je larë në urinë, është kuqja e syve. Kjo gjë ndodh normalisht edhe për shkak të klorit, por që e shkakton edhe hyrja e urinës në sy.

Prandaj, mos e harroni kurrë që trupi juaj derisa është në pishinë, lahet edhe me urinë të personave të ndryshëm. /Indeksonline/