11:32 / E Premte, 22 Qershor 2018

EKSKLUZIVE: Ministri Bedri Hamza nuk pranon ta marrë pagën me rritje!

Ministri i Financave, Bedri Hamza nuk ka pranuar të marr pagën me rritje siç ka marr vendim Qeveria Haradinaj.

Burimet e Indeksonline kanë thënë se kreu i financave nuk e sheh të arsyeshme që ta marrë pagën me rritje sipas vendimit të fundit të ekzekutivit për disa arsyeje.

Hamza edhe në kohën kur është votuar rritja e pagave për zyrtarët qeveritar, kishte abstenuar.

Ndryshe dje kundër vendimit për rritje të pagave në Qeveri kishte dalë edhe  Shefja e Zyrës së Bashkimit Evropian në Kosovë, Natalia Apostolova. Kjo e fundit ka kërkuar shfuqizimin e vendimit deri në miratimin e Ligjit të ri për pagat.

Ministri që mbanë kuletën e shtetit, këtë javë mori vendim edhe për uljen e mëditjeve për zyrtarët shtetëror, vendim ky që u prit mirë nga opozita dhe nga organizata të ndryshme në vend./Indeksonline/