11:02 / E Martë, 17 Prill 2018

FFK ka një lajm për trajnerët kosovarë

Federata e Futbollit të Kosovës ka një lajm për të gjithë ata trajnerë që janë të licencuar në kategorinë “A” dhe “B”, transmeton IndeksOnline.

“Shoqata e Trajnerëve të Futbollit të Kosovës, përkatësisht kryetari saj z. Ajet Shosholli njofton të gjithë trajnerët të cilët kanë marrë licencat e tyre të kategorisë “A” dhe “B” në Federatën e Futbollit të Shqipërisë e të cilave u ka skaduar afati, që të marrin pjesë në seminarin që do të mbahet të enjten më 19 prill në sallën e konferencave në selinë e FFK-së.

Seminari nis nga ora 9.00 dhe me të përfunduar trajnerët do të pajisen me licenca të reja”.