14:06 / E Hënë, 22 Janar 2018 / indeksADMonline

Foto të pa publikuara deri tani nga ceremonia e varrimit të Presidentit Rugova

Janë bërë 12 vjet nga vdekja e Presidentit të parë të Kosovës, Dr.Ibrahim Rugova. Në çdo përvjetor të vdekjes vlerësohet lartë figura e presidentit Rugova, duke kujtuar të arriturat që ai i bëri për vendin dhe popullin e tij.

Fotoreporteri i Indeksonline ka vendosur t’i publikoi ato për herë të parë në përvjetorin e vdekjes së Presidentit.

Ish-drejtuesi i Lidhjes Demokratike të Kosovës ndërroi jetë më 21 janar 2006 në orën 11:38 në rezidencën e tij në lagjen “Velania” të Prishtinës. Ai për disa muaj vuante nga kanceri në mushkëri, sëmundje të cilën vet e bëri publike gjatë një konference për gazetar.

Më 23 janar 2006 funerali me trupin e Presidentit Rugova u vendos në hollin e Kuvendit të Kosovës ku qytetarët për tri ditë rresht kishin mundësinë të bënin homazhe dhe t’i jepnin nderimin e fundit Presidentit. Kurse varrimi i tij u bë të enjten më 26 janar 2006.

Në varrimin e Presidentit morën pjesë shumë delegacione zyrtare nga e tërë bota. Ceremonia mortore u zhvillua në sallën 1 tetori në Prishtinë. Pastaj arkivoli u bart nga Trupat Mbrojtëse të Kosovës tek varrezat e dëshmorëve në lagjen “Velania” ku Ibrahim Rugovës i’u bënë nderimet e fundit dhe aty gjeti vendin e përjetshëm./Indeksonline/