Futbollisti argjentinas vret dy persona (Pamje të rënda)

Si në filma, por me ndryshimin se në “Fast & Furious” shoferët janë specialistë dhe duket sikur nuk do përplasen kurrë. Futbollisti argjentinas Nahuel Zárate duket se ka menduar se po xhiron ndonjë skenë nga ato që shohim rëndom në televizion, sepse fundjavën e shkuar shkaktoi një aksident të tmerrshëm në Buenos Aires.

El ex jugador de Boca Alejandro Nahuel Zárate quedó detenido tras chocar un taxi y matar a los dos ocupantes. Si bien se negó al test de alcoholemia, se dejó constancia de su fuerte olor etílico. pic.twitter.com/ASww2BzsJt

— Mauro Szeta (@mauroszeta) September 9, 2018

Mbrojtësi 25-vjeçar ka qenë pjesë e Boca Juniors deri në vitin 2015, ndërsa më pas ka luajtur gjithnjë në Superligën argjentinase, për Godoy Cruz, Union Santa Fe dhe Atletico Tucuman, duke luajtur rreth 90 ndeshje si profesionist, mes kampionatit argjentinas dhe Kupës Libertadores.

Nga pamjet e kamerave në rrugë dallohet një makinë që me shpejtësi skëterre godet nga pas një taksi, edhe pse rruga ishte e lirë dhe duket gjithçka absurde. Në taksi ishin dy persona, 54 dhe 55 vjeç, të cilët humbën jetën nga përplasja e frikshme, ndërsa në timonin e makinës vrasëse ishte pikërisht Zarate, i cili u transportua i plagosur në spital, ku është mbajtur nën vëzhgimin e policisë, sepse konsiderohet i arrestuar për vrasje të qëllimshme.

Pas aksidentit Zarate ishte i vetëdijshëm dhe refuzoi të kryente testin e alkoolit.