Gashi: Nuk e kemi pasur ndërmend zhbërjen e Speciales dhe ditën e mirë!

Zëvendëskryeministri i vendit, Dardan Gashi, ka komentuar  përpjekjen për zhbërjen e Gjykatës Speciale.

“Nuk e kemi pasur ndërmend zhbërjen e Gjykatës – dhe ditën e mirë”, është shprehur Gashi, në RTV Dukagjini, teksa në studio flitej për shqetësimin e ndërkombëtarëve për shfuqizimin e ligjit për këtë gjykatë që do të merret me krimet e luftës.

“Mbase ishin të shqetësuar për mënyrën se si ka ndodhur”, ka thënë Gashi, duke shtuar se është kërkuar të korrigjohet një pjesë e saj e padrejtë në parim, dhe të diskutohet kjo në Kuvend.

Gjatë ditës, Gashi ka publikuar një opinion mbi zgjidhjen e çështjes së Demarkacionit, duke kërkuar referendum, sipas tij me bazë kushtetuese, për të kaluar krizën politike.