Gjermani, urdhërohet tërheqja e 60,000 makinave Porsche

​Prodhuesi gjerman i automjeteve të luksit, “Porche” duhet të tërheqë 60 000 makina me motor diesel të tipit “Macan” dhe “Cayenne” për të rregulluar një ndryshim të jashtëligjshëm të aparaturave, njoftoi dje Ministria Federale e Transportit.

Kërkesa ishte bërë nga autoriteti i mjeteve motorike KBA, që njoftoi se kjo pajisje mund të sjellë një rritje të prodhimit të oksideve të nitrogjenit.

“Porche” ka konfirmuar marrjen e këtij dokumenti zyrtar.

Automjetet e prekura janë 6 755 “Cayenne” 4,2 litra V8 TDI, 3 954 prej të cilave ndodhen në Gjermani dhe 52 831 “Macan” 3,0 litra V6 TDI, nga të cilat 15 180 janë në Gjermani.