Gmail për Android tani ju lejon të personalizoni veprimet e rrëshqitjes
Google ka zbuluar një grumbull përditësimesh të vonuara në Gmail gjatë javëve të fundit dhe një tjetër ka ardhur në përditësimin më të fundit në Android: aftësia për të përcaktuar se çfarë ndodh kur rrëshqisni një email në të majtë ose në të djathtë. Ky përditësim u zbulua nga Android Police.
Më parë, rrëshqitja e një email-i në kutinë tuaj postare do ta arkivonte atë, pa marrë parasysh se çfarë rëndësie kishte. Kjo ishte e dobishme, por jo aq e dobishme sa duhej, meqë gjestet e rrëshqitjes me të vërtetë mund të ndihmojnë të pastroni kutinë postare për sa kohë që veprimet e tyre përshtaten me mënyrën se si punoni.
Rrëshqitjet kanë qenë pjese e aplikacioneve të email për celular për disa vite dhe shumë prej tyre u ofrojnë përdoruesve aftësinë për të personalizuar ato që bëjnë, prandaj ky është një shtim i vonuar nga Google.
Gjestet e Gmail nuk janë më të përshtatshmet në botë, por ju keni mundësi të mjaftueshme për ta bërë atë të dobishëm. Tek cilësimet, tani mund të caktoni rrëshqitjen e majtë dhe të djathtë ose të arkivoni, fshini, shënoni si të lexuar ose të palexuar, të lëvizni ose të shtyni një email.
Për fat të keq, opsioni i personalizimit nuk ka ardhur ende në iOS. Por, duke parë që Google ka lëshuar një mori karakteristikash të reja të Gmail në të gjithë rrjetin dhe aplikacionet e saj kohët e fundit, gjasat janë se do të arrijnë së shpejti edhe në iOS.