22:56 / E Diele, 16 Shtator 2018

Gucati kërkon nga prokuroria përmirësim të listave të veteranëve si dhe kërkim falje publike

Kryetari i OVL-UÇK-së, Hysni Gucati ka reaguar pas publikimit të disa listave që thuhet të jenë emra te veteranëve të rrejshëm.

Sipas Gucatit në listën e 20 mijë emrave që cilësohen veteranë mashtrues janë renditur edhe shumë ish-ushtarë të cilët luftuan nën emblemën e UÇK-së, transmeton Indeksonline.

Gucati ka kërkuar që të përmirësohen menjëherë këto lista por edhe që të kërkohet falje publike ndaj individëve, emrat e të cilëve sipas tij u njollosën dhe mundi e sakrifica e tyre është përlyer në një listë të tillë.

Reagimi i Gucatit:

Une Kryetar i OVL se UÇK se, që me marrjen e detyres time si perfaqesues i Veteraneve të Ushtris Çlirimtare të Kosovës jam betuar që ti perfaqesoj me nder dhe ti mbroj dhe ruaj vlerat e mia dhe të bashkëluftetareve të mi, sot nuk jan fyer vetëm bashkëluftetarët e mi që emrat e tyre figurojn në listat me emrat e rreme të veteraneve sot ndihem i fyer une dhe ndjej mllef të shoh emrat e tyre në një list të till.

Prokuroria jo vetëm që duhet në menyre sa me të shpejt të bëj keto permirësime por duhet të kerkoj falje publike ndaj ketyre Individeve emrat e të cileve u njollosen dhe mundi dhe sakrifica e tyre perlyhet në një list kinse ata qenkan veteran të rrejshem, une ndihem i zhgenjyer nga Prokuroria se si ka arritur ne gabime të tilla.

Por une do qendroj gjithmom perkrah jush për të demantuar mashtrimet dhe për të zbardhur të vertetën rreth emrave tuaj, sakrifica mundi dhe dashuria juaj ndaj atdheut nuk mund të bie nga një list e cila qe në hapat e par ngeli pa përfunduar punen ashtu siq duhet punuar një Prokurori, e që sot duhet të ndihet e turperuar perball ketyre ushtareve të vertet të UÇK të cilet ishin në sherbim të atdheut qe ne fillet e para të luftes për Çlirim.

Pres që sa më par Prokuroria të shlyej Borxhin ndaj bashkeluftetareve tan dhe të bej permirsimin e listave dhe kerkim falje ndaj tyre!

Prokuroria Speciale e Kosovës, ka ngritur aktakuzë kundër 12 anëtarëve të Komisionit Qeveritar për njohjen dhe verifikimin e statusit të veteranëve të luftës së UÇK’së.

Prokurori i Prokurorisë Speciale të Kosovës, Elez Blakaj, më 15 gusht të këtij viti ishte dorëhequr për shkak të kërcënimeve që i ka pranuar gjatë punës së tij si prokuror kur po hetonte listat e fryra të veteranëve. Kjo bëri që procesi të përshpejtohet pasi edhe pati reagime të ashpra nga bashkësia ndërkombëtare.