Homazhe para trupave të dëshmorëve Krasniqi e Jakupi

Në hollin e Kuvendit të Kosovës kanë nisur homazhet për rivarrimin e eshtrave të kolonel Ahmet Krasniqit dhe Qazim Jakupit.

Pos familjarëve, në ceremoni po marrin pjesë edhe krerët e shtetit, raporton Indeksonline.

Kryeministri i Kosovës, Ramush Haradinaj, kryeparlamentari Kadri Veseli dhe disa personalitete tjera kanë bërë homazhe si dhe janë nënshkruar edhe në librin e zisë të vendosur në holl.

Ndërkaq, pas homazheve, për Krasniqin dhe Jakupin do të mbahet një akademi përkujtimore në Teatrin Kombëtar nga ora 12:30.

Kurse, ceremonia e rivarrimit do të nis nga ora 14:00 në varrezat e dëshmorëve në kryeqytet. /Indeksonline/