13:03 / E Premte, 16 Mars 2018

Haradinaj: Një minutë heshtje për Ivanoviqin nuk ishte shkelje, por traditë shqiptare

Kryeministri Ramush Haradinaj vlerësoi se nderimi me një minutë heshtje për Oliver Ivanoviqin ishte me vend.

Haradinaj tha se Ivanoviq ishte kandidat për kryetar komune dhe se nuk kishte ndonjë shkelje në bazë të ligjeve në fuqi.

“Vdekja e Ivanoviq ishte lajm tronditës për kosovarët, opinionin vendor e ndërkombëtar. Nuk besoj që është ndonjë shkelje, po e quaj të ndjenjës së traditës shqiptare, apo ndonjë ligji” u shpreh Haradinaj gjatë interpelancës në kuvend.

Këto komente ai i bëri në një replikë për deputeten e VV-së, Arberie Nagavci, e cila tha se Ivanoviq ishte i akuzuar për krime lufte dhe se nuk meritonte një respekt të njëjtë me Jonuz Musliun, përderisa përmendi edhe nderimin me një minutë heshtje për Musliun.