Inspeksioni në Mitrovicë konfirmon për konfiskim të mishit të prishur
Drejtori i Drejtorisë së Inspeksionit në Mitrovicë Hysni Ahmeti konfirmon për KosovaPress se muajin e kaluar , saktësisht më 13 dhe 15 shkurt në dy markete në këtë qytet është gjetur mish që dyshohet se ishte i prishur.
Sipas Ahmetit në njërin market janë gjetur 573.4 kilogramë ndërsa në tjetrin 500 kilogramë.
“Mishi i konfiskuar nuk ka pasur dokumentacion, nuk ka qenë I vulosur dhe ka pasur një ngjyrë të çuditshme”, tha Ahmeti.
Sipas tij mishi është groposur në deponinë e mbeturinave në fshatin Koshtovë.