Karriera e Gazmend Sinanit, basketbollistit që vdiq pas aksidentit tragjik
Gazmend Sinani, reprezentuesi i Kosovës ndërroi jetë mëngjesin e sotëm pas një aksidenti tragjik në Gjakovë.
Sinani ishte 27 vjeçar, ai madje sot për fat të keq po festonte edhe ditëlindjen e tij.
Basketbollisti kosovar pasi kaloi grupmoshat e reja në Prishtinë, karrierën e vazhdoi në Turqi, ku ishte pjesë e akademisë së Fenerbahçes dhe kombëtareve turke të grupmoshave të reja, shkruan Indeksonline.
Në Kosovë ka luajtur për Prishtinën, Bashkimin e Rahovecin, kurse në klube të ndryshme turke është paraqitur disa sezone.
Më 2017/18 ai luajti në ligën elite në Angli.
Sinani ishte anëtar i kombëtares së Kosovës, që nga pranimi i Federatës së Basketbollit të Kosovës në FIBA./Indeksonline/