22:53 / E Shtunë, 10 Shkurt 2018

Konfirmon Prokuroria: Policët e arrestuar në veri lidhen me vrasjen e Ivanoviqit

(I plotësuar)- Prokuroria e Shtetit ka sqaruar ndërlidhjen e aksionit të sotëm në veri të Mitrovicës ku u arrestuan dy policë në lidhje me vrasjen e Oliver Ivanoviqit.
Prokurori Njazi Rexha, i cili po heton rastin, ka konfirmuar se arrestimi i dy policëve ndërlidhet me mënyrën se si është ruajtur vendi i ngjarjes pas incidentit.

“Ata kanë qenë në detyrë ta ruajnë vendin e ngjarjes dhe nuk e kanë kryer detyrën e tyre siç duhet”, ka thënë Rexha për Kallxo.com

Ai ka sqaruar se janë duke hetuar pasojat e veprimeve të policëve.

Lajmin për arrestimet e dy zyrtarëve policorë të Stacionit në Mitrovicën Veriore e bëri të ditur sonte Inspektorati Policor. Sipas komunikatës së inspektoratit, këta zyrtarë u arrestuan nën dyshimin për manipulim me prova.

Inspektorati njofton se përveç arrestimeve, kanë bastisur dy lokacione në Mitrovicën Veriore me urdhër të prokurorit dhe gjykatës.

“Sot (10.02.2018) në orët e pasdites hetuesit e IPK-së dhe PK-së kanë zbatuar urdhëresën e lëshuar nga Gjykata Themelore në Mitrovicë dhe janë bastisur dy lokacione në Mitrovicën e Veriut”, thuhet në komunikatë.

Gjatë bastisjeve “është konfiskuar një revole e llojit TT si dhe dy karikatorë me nga 9 fishekë të kalibrit 7.62 mm që do shërbejnë për procedurën penale të mëtutjeshme”.
Të arrestuarve u është caktuar ndalimi policor prej 48 orësh.

Ndërkaq, Kosovapress raporton se arrestimi i tyre ka ardhur pasi të njëjtit po janë të dyshuar në rastin e vrasjes së politikanit serb, Oliver Ivanoviq.

Politikani i serbëve të Kosovës dhe kryetari i Nismës Qytetare “LIri, Demokraci, Drejtësi” Oliver Ivanoviq u vra në Mitrovicën Veriore më 16 janar.

Ai u varros një ditë më pas në Beograd.

Serbia ka kërkuar përfshirje në hetimin për vrasjen e Ivanoviqit, ndërsa dy shtetet në mënyrë të tërthortë janë duke shkëmbyer informata për këtë vrasje,

………………………………….

Dy policët e arrestuar në veri dyshohen për lidhje me vrasjen e Oliver Ivanoviqit

Policia e Kosovës ka arrestuar dy zyrtarë policor në veri të Mitrovicës për vepër penale ‘Manipulim me prova’.

Sipas komunikatës së Policisë, këta dy policë dyshohen se kanë manipuluar me prova për një rast vrasje, shkruan Indeksonline.

Mirëpo, mediat raportuan se këta policë janë arrestuar për dyshimin se janë përfshirë në vrasjen e liderit serb, Oliver Ivanoviq.

Ivanoviq u ka ikur me 6 janar të këtij viti, por ende nuk janë zbuluar vrasësit e tij./Indeksonline/

 

Arrestohen dy policë në Mitrovicën e Veriut