Kryqi i Kuq i Kosovës me një kërkesë urgjente për banorët e Suharekës

Derisa në Suharekë po vazhdon gjendja emergjente pas vërshimeve, Kryqi i Kuq i Kosovës, do të shpërndajë ndihma për banorët, por si kërkesë urgjente ka lëshimin e ndonjë lokali për deponim të ndihmave.

Kryqi i Kuq në Kosovë, dega në Suharekë iu ka drejtuar qytetarëve që kanë lokale të zbrazura dhe me qasje të lehtë nga maunet, që t’ia japin në shfrytëzim Kryqit të Kuq, për deponim të ndihmave deri të kalohet gjendja emergjente pas vërshimeve, përafërsisht për 15 ditë.

Ndryshe, shiu i rrëmbyeshëm që ka rënë në Suharekë ka shkaktuar shumë dëme materiale. Sipas kryetarit të Suharekës, Bali Muharremaj vërshimet në këtë komunë parashihen të kenë shkaktuar dëme milonëshe.