Ky është aktivisti i VV-së që së bashku me shokë i hoqi flamujt e Kosovës në Prishtinë [Foto]
Burimet e Indeksonline kanë bërë të ditur se mbrëmë gjatë heqjes së flamujve të Kosovës ka qenë i përfshirë edhe aktivisti i Lëvizjes Vetëvendosje, Egzon Azemi.
Këtë rast e ka konfirmuar për “Indeksonline” edhe Policia e Kosovës për rajonin e Prishtinës.
Zëdhënsja për informim e PK-së, Flora Ahmeti ka treguar se njësitet policore nga sheshi “Zahir Pajaziti” kanë shoqëruar te Stacioni Qendra tre persona të dyshuar, E.A 1995 ( emër i njohur për redaksinë),L.H 1987 dhe J.SH 1995.
“Personat e dyshuar me urdher te prokurorit jane liruar ne procedure te rregullt dhe ndaj tyre po me urdher te prokurorit eshte inicuar rasti Prishje e rendit dhe qetesise publike- vandalizem”, ka thënë Ahmeti.
Ndryshe, “Indeksonline” mbrëmë ka siguruar video dhe fotografi ekskluzive të vendit të ngjarjes ku personat në fjalë hoqën flamujt e Republikës.
Më poshtë shikoni pamjet:
/Indeksonline/
Ekskluzive: Hiqen flamujt e Kosovës në sheshin “Zahir Pajaziti” në Prishtinë (Video)