Limaj vazhdon takimet me ambasadorët e huaj, koordinohet për dialogun Kosovë-Serbi

Zëvendëskryeministri i Kosovës, Fatmir Limaj ka pritur në takim ambasadorin e Mbretërisë së Bashkuar në Kosovë, Ruairi O’Connell.

Në këtë takim, sipas Limajt, është diskutuar për zhvillimet aktuale politike në vend dhe dialogun Kosovë- Serbi.

Limaj i cili ditë më parë është votuar në qeverinë e Kosovës, si udhëheqës i dialogut me palën serbe, ka thënë se pala kosovarë në këtë dialog hyn me objektiva të qarta; arritjen e një marrëveshje obliguese për njohje reciprokes mes dy vendeve.

“Ambasadori O’Connell ofroi mbështetjen e plotë të Mbretërisë së Bashkuar për arritjen e marrëveshjes përfundimtare me Serbinë. Mirënjohje Mbretërisë së Bashkuar për mbështetjen e vazhdueshme që po i jep Kosovës dhe proceseve në të cilën po kalon vendi”, ka shkruar ndër të tjera Limaj në llogarinë e tij në ‘Facebook’.