18:16 / E Diele, 09 Shtator 2018 / indeksADMonline

Limaj vazhdon t’i injorojë deklaratat e Vuciqit, kalon pasditen e se dielës me simpatizantë të Nismës

Zëvendëskryeministri i Kosovës, njëherësh kryetar i Nismës Socialdemokrate, Fatmir Limaj po vazhdon t’i injorojë deklaratat e presidentit serb, Aleksandër Vuciq i cili ditë më parë tha se nuk e don Limajn për kryenegociator të Kosovës.

Limaj, përmes një postimi në llogarinë e tij në ‘Facebook’, ka njoftuar se pasditen e së dielës e ka kaluar me strukturën drejtuese të degës së Nismës në Ferizaj në malet e Berishës. Ai iu ka uruar mirëseardhje anëtareve të rinj të cilët i janë bashkuar degës së Nismës në Ferizaj dhe Shtërpcë. “E përgëzoj kryetarin e kësaj degë, Besnik Berisha për këtë iniciativë dhe punën e madhe që po bën në terën.

Dega e jonë në Ferizaj po vazhdon të konsolidohet çdo ditë e më shumë”, ka shkruar ndër të tjera Limaj. Ai thotë se askush dhe asgjë nuk mund të ndalë fuqizimin e Nismës.

Postimi i plotë i Limajt:

Në malet e bukura të Berishës, sot bashkë me strukturën drejtuese të degës së Nismës në Ferizaj kaluam një pasdite të këndshme. Me këtë rast mirëseardhje u urova edhe anëtarëve tanë të rinj të cilët iu bashkuan degës sonë në Ferizaj dhe Shtërpcë. E përgëzoj kryetarin e kësaj dege, Besnik Berisha, për këtë iniciativë dhe punën e madhe që po bën në terren. Dega e jonë në Ferizaj po vazhdon të konsolidohet çdo ditë e më shumë. Askush dhe asgjë nuk mund ta ndalë rritjen e Nismës Socialdemokrate! FL