Lladrovci gjobit të tjerët, e vet e shkel ligjin për Duhanin (Foto)

Komuna e Drenasit njihet si komuna e cila ka respektuar Ligjin e Duhanit, duke sanksionuar të gjithë personat dhe bizneset që kanë shkel këtë ligj.

Ditë më parë, Drejtoria e Inspeksionit të Komunës së Drenasit ka ndërmarr një aksion duke kontrolluar lokalet dhe duke gjobitur personat që po konsumonin cigare brenda hapësirave të mbyllura publike, shkruan Indeksonline.

Mirëpo, këtë ligj duket se nuk e respekton vet i pari i Komunës së Drenasit, Ramiz Lladrovci.

Në një foto të dërguar në redaksinë e Indeksonline nga një lexues shihet Lladrovci duke pirë cigare brenda një lokali.

Sipas lexuesit, Lladrovci ka bërë këtë shkelje të ligjit gjatë një aktiviteti përkujtimor të mbajtur këto ditë. /Indeksonline/