23:53 / E Diele, 15 Prill 2018

Maybach i ardhshëm debuton në Kinë [Video]

Mercedes do të prezantojë një veturë të re koncept me simbol Maybach në panairin e ardhshëm të automobilave në kryeqytetin e Kinës.

Njoftimi i një koncepti të ri luksoz vjen pas 30 sekondshit të dytë “teaser” që tregon detajet e stilit të veturës, por jo edhe identitetin e saj. Gjithashtu, Mercedes-Maybach i ri i takon segmentit të ri të veturave. Spekulohet se është në pyetje koncepti i variantit Maybach të gjeneratës së ardhshme Mercedes GLS, i cili po përgatitet.

Bazuar në videon e shkurtër, mund të konkludohet se makina ishte projektuar në stilin retro, ngjashëm me konceptin Vision Mercedes-Maybach 6 nga 2016. Më shumë detaje do të njihen më 25 prill, kur fillon panairi i automobilave në Pekin./IndeksOnline/