Mësohet nga cili vend i Kosovës ishte kosovari i vrarë në Francë

Një 30-vjeçar shqiptar është vrarë me armë zjarri në Mulhouse të Francës.

Ngjarja ka ndodhur të mërkurën rreth orës 17.45, por është raportuar tani nga mediet franceze. I vrari është S.N., nga fshati Skivjan, i komunës së  Gjakovës, raporton Telegrafi.

S.N, para se të vritej, kishte pasur një bisedë më dorasin para derës së shtëpisë, ku ndodhej dhe familja e tij.

Më pastaj dorasi e kishte qëlluar me tre plumba në sy të familjes, gruas dhe fëmijëve.

Menjëherë pas ngjarjes është lajmëruar ambulanca të cilin e ka dërguar në spital.

Mjekët, në Mulhouse, ia kanë hequr dy plumba nga trupi, ndërsa plumbi i tretë i kishte prekur zemrën gjë që ka bërë që të mos i mbijetojë plagëve të marra.

Kosovari S.N., kishte jetuar  20 vite në Francë.

Ndërkaq, autoritet franceze, kanë bastisur shtëpinë e dorasit për të cilën nuk dihet identiteti tij, duke gjetur armë, pasaporta të ndryshme.

Sipas një të afërmi të kosovarit, viktima S.N., disa herë ishte ankuar në polici lidhur me rastin por që nuk ishte ndërmarrë asgjë konkrete.