09:17 / E Hënë, 16 Korrik 2018

Një i vdekur dhe rreth 30 të lënduar nga aksidentet

Një aksident trafiku me pasoja fatale, 27 me persona të lënduar dhe 27 të tjera me dëme materiale kanë ndodhur gjatë 24 orëve të fundit, transmeton Indeksonline.

Policia ka njoftuar se aksidentet kanë ndodhu në të gjitha rajonet e vendit dhe se në total numri i tyre brenda ditës ishte 55.

Sipas policisë, përveç aksidenteve, dita e diele ka qenë e mbushur edhe me gjoba në trafik.

Gjithsej 957 gjoba i ka shqiptuar Policia vetëm për 24 orë. Policia ka apeluar tek të gjithë pjesëmarrësit në trafik që të kenë kujdes të shtuar në këtë kohë kur fluksi i automjeteve në rrugët e Kosovës është më i madh se në muajt tjerë të vitit./Indeksonline/