Normalizohet gjendja në Spitalin e Pejës, pacientët kthehen në dhoma
Pas afër 4 orëve normalizohet gjendja në Spitalin e Përgjithshëm në Pejë, pasi që ekipet e profesionalizuara kryen një shpërthim të kontrolluar dhe larguan dyshimet për mjetin në oborrin e Spitalit.
Kështu ka njoftuar vet ky spital, duke thënë se janë marrë masat që pacientët të kthehen në dhomat nga ku u evakuan.
Gjithashtu, sipas njoftimit të tyre, normaliteti i janë kthyer edhe shërbimet e kujdestarive, transmeton Indeksonline.
“Pas afër 4 orëve normalizohet gjendja në Spitalin e Përgjithshëm në Pejë, pasi që ekipet e profesionalizuara kryen një shpërthim të kontrolluar dhe larguan dyshimet për mjetin në oborrin e Spitalit. Pas kësaj situate në Spitalin e Pejës shpejtë janë marrë masa që pacientët të kthehen në dhomat nga ku u evakuan, ndërsa qasja në Spital dhe shërbimet e kujdestarive po realizohen normalisht”, thuhet në njoftimin e tyre./Indeksonline/