Pas 10 viteve, KFOR-i kthehet në Aeroportin e Kosovës – për shkaqe sigurie

Siguria në Kullën e Aviacionit tek Aeroporti Ndërkombëtarë i Prishtinës është rikthyer përsëri në duart e ndërkombëtarëve.

Burime të “Indeksonline” mësojnë se pas 10 vitesh forcat e KFOR-it do të rikthehen tek ky vend.

Të njëjtat burime theksojnë se komandanti i KFOR-it, Salvatore Cuoci kishte zhvilluar një takim me zyrtarët e Aeroportit dhe ju kishte kërkuar që ushtarët e tij të kthehet përsëri për arsye të gjendjes së sigurisë.

Poashtu, vlen të theksohet se disa prej ambasadorëve të huaj në Kosovë po zgjedhin rrugë tjera për të udhëtuar tek vendet e tyre.

Të njëjtit po refuzojnë një gjë të tillë ta bëjnë përmes aeroportit “Adem Jashari” për shkak të ngjarjeve të fundit.

Vitin e kaluar një test i sigurisë që ishte bërë në Aeroportin e Prishtinës kishte sjell në pah dështime të mëdha në aspektin e sigurisë.

Por një gjë e tillë është demantuar nga Autoriteti i Aviacionit Civil i Kosovës, duke thënë se nuk ka asnjë shqetësim sa i përket sigurisë së shërbimeve nga Agjencia e Shërbimeve të Navigacionit Ajror./Indeksonline/