Policia hap rast për vdekjen e 19 vjeçarit nga Drenasi
Policia e Kosovës ka hapur rast për vdekjen e një 19 vjeçari nga Baica e Drenasit pas operacionit që u bë në Kirurgji-QKUK mëngjesin e së mërkurës.
Nëntëmbëdhjetë vjeçari Drin Leku që tri vite kishte pasur probleme me apendicit apo siç njihet në popull me zorin qorre, transmeton Indeksonline.
Familjarët e tij ishin shprehur se pavarësisht që disa herë e kishin dërguar atë për kontrolle në QKUK dhe përkundër dhimbjeve të vazhdueshme, mjekët nuk e kishin ndaluar në spital, pasi konsideruan se nuk është e nevojshme.
Raporti i sotëm i Policisë së Kosovës lidhur me këtë rast:
QKUK- Prishtinë, 08.08.2018 – 07:10. Pas një operacioni, viktimës mashkull K/Shqiptar, i është keqësuar gjendja shëndetësor ku më pas si pasojë e komplikimeve viktima ka ndërruar jetë. Me urdhër të prokurorit, trupi i pa jetë është dërguar në IML për obduksion. Rasti është duke u hetuar.