Presidenti Thaçi uron Bajramin besimtarëve myslimanë
Presidenti i Kosovës, Hashim Thaçi ua ka uruar besimtarëve myslimanë Festën e Fitër Bajramit, duke iu dëshiruar sa më shumë tolerancë, mirëkuptim dhe mirëqenie në familjet e tyre.
“Pas muajit të shenjtë të Ramazanit, një muaji me përplot përkushtim, adhurim, devotshmëri dhe fisnikërim shpirtëror, vjen edhe festa e Fitër Bajramit. Besimtarëve myslimanë ua uroj këtë festë, duke ju dëshiruar sa më shumë tolerancë, mirëkuptim dhe mirëqenie në familjet e tyre. Qytetarët tanë, pa dallime etnike dhe fetare, çdoherë e më shumë po i forcojnë dhe kultivojnë vlerat e përbashkëta në shërbim të paqes”, ka shkruar Thaçi në Facebook./Indeksonline/