16:46 / E Hënë, 16 Prill 2018

PSV-ja kampion i Holandës, bëhen katër vite që Ajaxi nuk e shijon trofeun (Video/Foto)

Tri xhiro pa pëfunduar sezoni në Eredivisie, tashmë dihet kampioni!

Skuadra e PSV Eindhoven mposhti rivalin kryesor për titull, Ajax me rezultat 3-0 dhe siguroi titullin kampion në Holandë, shkruan IndeksOnline.

Golat në sfidën e djeshme i shënuan: Gaston Pereiro, Luuk de Jong dhe Steven Bergwijn.

Me këtë triumf, PSV-ja feston titullin e 24 në histori të klubit në ligën Eredivisie, 9 më pak se Ajaxi që ka fituar 33 sosh.

Madje klubi me traditë, Ajax këtë titull nuk e ka shijuar që katër vite. Hera e fundit ishte viti 2014.

Në 31 xhiro, skuadra e PSV-s ka grumbulluar 80 pikë, 10 më shumë se vendi i dytë Ajax. 

Njeriu kryesor për triumfin e PSV-s ishte 22 vjeçari, Hirving Lozano, që realizoi 15 gola dhe 8 asistime, i ndjekur nga Marco van Ginkel (futbollist i Chelseat), me 14 gola dhe 4 asistime./IndeksOnline/