Reagon Federata Gjermane: Ky nuk është stili jonë, kërkojmë falje (Video/Foto)

Kombëtarja e Gjermanisë ka shënuar fitoren e parë në Kampionatin Botëror “Rusi 2018”.

Fal golit në minutën e fundit të Toni Kroos, kampioni aktual arriti ta mposhte 2 me 1 Suedinë, shkruan IndeksOnline.

Megjithatë pas përfundimit të ndeshjes, në zonën e bankës rezervë ndodhi një incident i vogël ku u përfshinë, trajneri suedez, Janne Andersson një zyrtar i Suedisë dhe një pjesëtar i DFB-së, Georg Behlau.

Shefi i organizatës së Federatës Gjermane, Behlau pas golit të shënuar iu afrua kundërshtarëve duke festuar. Kjo nuk u pëlqeu fare suedezëve, të cilët patën një kacafytje në fund.

Pas këtij incidenti ka reaguar Federata e Gjermanisë, të cilët u kërkuan falje stafit të Suedisë, ndonëse ky gjest ishte emocional.

“Ishte një lojë shumë emocionuese. Në fund, një reagim ose gjest nga pjesëtari i stafit tonë ndaj bankës suedeze ishte shumë emocional. Kjo nuk është në stilin tonë. Kërkojmë falje për trajnerin suedez dhe ekipin e tij”, shkruhet në njoftimin e DFB-së.

Gjermania për të siguruar kalimin e grupeve duhet ta mposhtë Korenë e Jugut. Në anën tjetër, Suedia duhet të fitojë bindshëm ndaj Meksikës./IndeksOnline/

German officials taunt Sweden bench after final whistle, and handbags come out.#worldcup #GERSWE ???? pic.twitter.com/44dqWdqPTa

— Gilles (@GrimandiTweets) June 23, 2018

Es war ein emotionales Spiel. Am Ende war die eine oder andere Reaktion oder Geste unseres Betreuerstabes in Richtung der schwedischen Bank zu emotional. Das entspricht nicht unserer Art. Dafür haben wir uns beim schwedischen Trainer & seinem Team entschuldigt. Ursäkta! #GERSWE

— Die Mannschaft (@DFB_Team) June 23, 2018