17:42 / E Diele, 15 Prill 2018

Rekord Guinness: Makina e mbuluar tërësisht me flokë të grave

Në vitin 2014, stilistja italiane e flokëve dhe artistja Maria Lucia Mugno, voziti një Fiat 500 në një urë publike. Ishte ky vendi ku ajo shënoi një rekord botëror.

Makina e saj ishte e tëra e mbuluar me flokë të vërteta të grave, shkruan IndeksOnline.

Maria Lucia Mugno shpenzoi 150 orë për të mbuluar makinën me flokë. Njëzet ditë dhe mbi 106,000 $ që mbulonin cdo sipërfaqe të vogël të makinës së saj në flokë. Kaq shumë flokë që rritën peshën e makinës për 20%.

Flokët që ajo i vendosi, paprakisht i kishte dezinfektuar,larë, i kishte lyer dhe tharë me dorë. Flokët i kishte blerë në Indi.

Pjesa e vetëm e makinës që nuk është mbuluar me flokë është motori. Kjo për shkak se do të ishte një rrezik zjarri dhe sigurisht nuk do të ishte ligjore.

Sipas ‘The Huffington Post, e gjitha filloi si një bast. Një mik i saj deklaroi se Mugli nuk do të ishte në gjendje ta mbulonte komplet makinën me flokë. Por, sic duket, ajo i provoi mikut të kundërten.

Makina e saj ka nevojë për “servisim” një herë në javë. Domethënë, flokët bëhen të pista, kështu që duhet të lahen. /IndeksOnline/