Ronela Hajati: Kur ta bëjë publike lidhjen do bëjë një dasmë të madhe!

Lidhja e Ronela Hajatit dhe Young Zerkës ka qenë prej shumë kohësh në vëmendjen e megjithatë dyshja deri më sot ka preferuar mos të flasë lidhur me këtë çështje.

Por e ftuar tek “Rudina” pasditen e sotme, Ronela e pranoi se është e dashuruar edhe pse nuk përmendi emrin e reperit.

“Dashuria nuk ka kufi, por unë jam mirë dhe s’para e kam thënë këtë gjë sadoqë dukem. Unë nuk e fsheh jetën time, por nuk dua të flas sepse po investoj shumë për gjënë që po bëj. Këtu ndonjëherë bëhesh kryefjalë e disa lajmeve dhe unë momentalisht nuk po investoj që të bëhet ai lloj lajmi. Unë nuk po them jam e dashuruar, nuk po them që për mua nuk ekziston asnjë njeri, por thjeshtë nuk dua të flas”, tha Ronela.

Këngëtarja u shpreh se kur ta bëjë publike lidhjen do bëjë një dasmë të madhe. “Kur gjërat të bëhen publike do të jetë e menduar mirë se unë do bëj dasëm dhe jam shumë pro dasmës së madhe.

Mundësisht do të nxjerr një tellall nëpër qytet, dasmë me shumë njerëz, e shumë muzikë”, tha Ronela.