E mitura paguante nga 10 euro shantazhuesit, vetëm që familja të mos e merrte vesh për lidhjen e saj

Një femër e mitur nga Podujeva ka njoftuar policinë se po shantazhohej nga dy persona të dyshuar, moshë e mitur.

Të dyshuarit viktimës po i kërkonin para në shkëmbim të mosnjoftimit të familjes së viktimës lidhur me një lidhje të saj.

Pas një plani taktik zhvilluar nga policia në flagrancë janë zënë të dyshuarit duke shantazhuar viktimën, me ç’rast i kanë marrë para në shumë 10 euro.

Të dyshuarit janë ndaluar dhe janë intervistuar në prani të punëtorit të QPS dhe avokatit mbrojtës, ndërsa me vendimin e prokurorit, dy të dyshuarit dërgohen për 24 orë në qendrën e mbajtjes./Indeksonline/