Shpellës po i pakësohet oksigjeni, fëmijët e bllokuar prej dy javësh ngushëllojnë prindërit
Shpellës po i pakësohet oksigjeni, fëmijët e bllokuar prej dy javësh ngushëllojnë prindërit
Dymbëdhjetë fëmijët e bllokuar prej dy javësh në një shpellë ku nivelet e oksigjenit sa vjen dhe ulen kanë shkruar një letër ngushëlluese për prindërit e tyre që i presin me ankth jashtë.
Ndër të tjera, në letrën e tyre fëmijët iu shkruajnë prindërve që të mos shqetësohen pasi ata janë të fortë dhe do mbijetojnë.
Shënimet e 12 lojtarëve nga Tajlanda përfshijnë edhe kërkesat e tyre për ushqim, përfshirë edhe pula të skuqura.
Një tjetër shënim i tyre për mësuesin:
“Mësues mos na jep shumë detyra shtëpie kur të dalim!.”
Ndërsa trajneri i djemve, me anë të një tjetër letre i shprehte keqardhje prindërve të 12 lojtarëve për incidentin që i la ata për më se dy jave të bllokuar.
Në letrën e tij, trajneri 25 vjeçar Ekkapol Chantaëong ndër të tjera siguron prindërit:
“Të dashur prindërit e të gjithë fëmijëve, tani të gjithë janë mirë, ekipi i shpëtimit po na trajton mirë.”
12 anëtarët e skuadrës së futbollit Ëild Boar u shpallën të zhdukur pasi nuk u kthyhen nga një stërvitje në natyrë. Ata u futën vetë në shpellën ku ndodhen aktualisht por, pastaj si filloi një shi i rrëmbyeshëm ata mbetën të bllokuar në brendësi.
Të 12 djemtë dhe trajneri i tyre u gjendën thellë brenda shpellës bashke me dy zhytës britanikë, të hënën, të kapur pas një shkëmbi pas 9 ditëve pa ushqim dhe ujë. Skuadra e futbollit dhe trajneri i tyre gjenden të bllokuar që prej 23 qershorit.