Shpend Maxhuni raporton për herë të parë për AKI-në

Drejtori i ri i Agjencisë së Kosovës për Inteligjencë, Shpend Maxhuni, javën e ardhshme do të dal për herë të parë prej se ka marrë këtë detyrë, para deputetëve të Kuvendit, në Komisionin që e mbikëqyr këtë institucion.

Këtë vendim e ka marrë në mbledhjen e sotme Komisioni për Mbikëqyrjen e AKI-së. Zëvendëskryetarja e këtij Komisioni, Ganimete Musliu, tha pas mbledhjes së Komisionit se javën e ardhshme do të kenë përballë shefin e ri të AKI-së, me të cilin do të diskutojnë për zhvillimet brenda këtij institucioni vital për vendin.

“Po, ne sot veç e kemi marrë vendim që ta ftojmë drejtorin. Faktikisht mbledhja e sotme ishte vazhdim i agjendës sonë. Në këtë takim morën  dhe qëndrim se në ditët e ardhshme, deri në javën e ardhshme ta kemi të ftuar drejtorin. Duke pasur parasysh se ai sapo ka marrë detyrën e kemi pa të arsyeshme që ai të akomodohet dhe të sistemohet në vendin e punës”, tha Musliu.