Shtyhet seanca për demarkacionin, mund të mbahet në këtë ditë!
Ndonëse Kryeparlamentari, Kadri Veseli ka vendosur që seanca e jashtëzakonshme e legjislativit të mbahet nesër (e dielë), e njëjta mundet të shtyhet për një ditë tjetër.
Kështu, Kryeministri i Republikës, Ramush Haradinaj ka treguar se gjatë javës do t’i kenë numrat për ratifikim të demarkacionit.
Sipas Haradinajt, e drejta e Kosovës është respektuar në territorin e saj.
“Mund të ndodhë që seanca të mos mbahet nesër. Gjatë javës do të kemi numrat. Besoj se i kemi numrat për shkak se e drejta e Kosovës në territor është respektuar”, është shprehur Haradinaj.
Ai ka thënë se për ta votuar demarkacionin duhen 80 vota, e koalicioni i ka 61 vota megjithatë ende nuk e ka marrë konfirmimin nëse Lista Serbe do ta votojë demarkacionin.
Burime të Indeksonline bëjnë të ditur se gjasat për mbajtjen e seancës për ratifikimin e demarkacionit pritet të mbahet ditën e martë.
Ndryshe, në mbledhje Qeveria e Kosovës aprovoi aneks-marrëveshjen e nënshkruar në mes të dy presidentëve atij të Kosovës dhe Malit të Zi për rishikim të vijës kufitare dhe korrigjim./Indeksonline/