Sot lirohet për qarkullim rruga Kaçanik-Hani i Elezit (Foto)
Për më shumë se 2 javë, rruga Kaçanik-Hani i Elezit ishte mbyllur për qarkullim. Kjo për shkak të punimeve që Ministria e Infrastrukturës i ka zhvilluar në atë pjesë.
Ndërsa, kreu i këtij dikasteri ka bërë të ditur se rruga do të lëshohet për lëvizje, sot në orën 09:00, shkruan Indeksonline.
Lekaj kur kishin nisur punimet, kishte deklaruar se ato nuk do të zgjasin gjatë dhe do të kryhen në afat të shpejtë.
Kjo rrugë ishte vlerësuar si shumë e rrezikshme për qytetarët që lëviznin andej, për shkak të rrëshqitjeve të vazhdueshme të dheut./Indeksonline/