Spitali i këtij qyteti bëhet me laborator të ri dhe emergjencë pediatrieke
Drejtori i Përgjithshëm i Shërbimit Spitalor dhe Klinik Universitar, dr. Basri Sejdiu, ka vizituar të premten Spitalin e Përgjithshëm të Ferizajt.Ai nga afër ka vizituar hapësirat e rinovuar për laborator me paisje të reja, shërbimin e emergjencës pediatrike mr pediatri.
Sejdiu shoqërohej nga deputeti Elmi Reçica, kryetari i Ferizajt, Agim Aliu, Ardian Ferizi, këshilltar i Ministrit të Shëndetësisë dhe dr. Jeton Zeqiri, drejtor i Spitalit të Ferizajt, shkruan Indeksonline.
Gjatë takimit, drejtori Zeqiri, ka njoftuar se ka qenë shumë i nevojshëm që Spitali ta ketë laboratorin e ri dhe hapësirat e rinovuara për emergjencën pediatrike dhe repartin e Pediatrisë.
Ai njoftoi se shumica e punëve janë kryer me donacione të donatorëve të ndryshëm, por një pjesë edhe nga buxheti i Spitalit.
Drejtori Sejdiu, i shoqëruar nga deputeti Reçica dhe kryetari Aliu, kanë vizituar hapësirat e rinovuara.
Ai ka shprehur përkrahjen e SHSKUK për Spitalin e Ferizajt, përfshirë edhe ndërtimin e objektit të ri të Spitalit, por edhe në paisjen me aparaturë të re dhe punëtorë të ri, sipas kërkesës së spitalit./Indeksonline/