08:10 / E enjte, 05 Tetor 2017

Fajin e bëjnë maqedonasit, FIFA dënon Shqipërinë

Fajin e bëjnë maqedonasit, FIFA dënon Shqipërinë

Komisioni i Disiplinës në FIFA ka zbardhur vendimet në lidhje me ndeshjet e luajtura një muaj më parë, të vlefshme për kualifikueset e Botërorit.

Shqipëria dhe FSHF-ja janë gjobitur me 30 mijë franga zvicerane për sjelljen e gabuar të tifozëve, edhe pse ata ishin në minorancë dhe të shoqëruar gjatë gjithë kohës nga policia vendase.

“Shqipëria gjobitet me 30 mijë franga zvicerane për sjellje të pahijshme të tifozërisë së saj, për ndezjen e flakadanëve, koreve politike në ndeshjen me Maqedoninë dhe futjen e tyre me vonesë, si në pjesën e parë, ashtu edhe në të dytën”, – shkruhet në njoftim.

Por habi përbën fakti që FIFA nuk e ka gjobitur Maqedoninë për koret e saj antishqiptare dhe për racizmin që tifozët e pranishëm në stadium shfaqën ndaj kuqezinjve. Kujtojmë që u vërshëllye himni shqiptar dhe pati thirrje deri me vdekje të shqiptarëve.

Lexo të tjera