Sulmohet me gurë autobusi i linjës Ulqin-Prishtinë (Foto)

Një autobus i linjës së rregullt Ulqin-Prishtinë është sulmuar nga persona të panjohur në territor të Shqipërisë.

Gurët që goditën autobusin e kompanisë “Barileva” lanë të thyer një xham dhe një dritë të autobusit duke shqetësuar në masë të madhe udhëtarët.

Indeksonline ka siguruar foto nga ky incident që ka ndodhur sonte rreth orës 22:00 në Reps të Lezhës i cili fatmirësisht përfundoi pa të lënduar.

Policia e Shtetit i është përgjigjur menjëherë rastit dhe ka nisur procedurat për hetimin e këtij incidenti./Indeksonline/