Tahiri: Ministrat e Listës Serbe po dalin në zyrë dhe po marrin paga
Ministri i Drejtësisë, Abelard Tahiri ka komentuar qëndrimin e Listës Serbe për t’u larguar nga Qeveria e Kosovës.
Ai ka thënë se ministrat e kësaj liste po vazhdojnë të dalin në punë sikurse zakonisht.
“Lista Serbe do të jetë pjesë e institucioneve. Ata dalin në zyrë dhe marrin paga. Thjeshtë nuk po marrin pjesë në mbledhjet e qeverisë”,theksoi Tahiri në TV Dukagjini.
Tutje Tahiri kritikoi edhe punën e Kuvendit për mungesën e ligjeve të miratuara.
Sipas tij, temat si Kodi Penal janë të domosdoshme të përfundojnë sa më shpejt në Kuvendin e Kosovës.